சுக்ரன் சனி பரிவர்த்தனை
சுக்கிரன் இல்லங்களில் சனியும், சனியின் இல்லத்தில் சுக்கிரன் இருக்கும் கிரக நிலையான பரிவர்த்தனையானது மிக சிறப்பான பலன்களை தருகிறது. இவர்கள் வாழ்க்கையில் உயர்ந்த நிலையை அடைகிறார்கள்.கலைத்துறை , சங்கீதத் துறை , நாட்டியத்துறை நடிப்பு துறை போன்றவைகள் சிறப்பை தருகிறது. பெண்கள் வகையில் பல வகையிலும் ஆபத்து இவர்களை அணுக வாய்ப்புள்ளது.
இவர்களிடம் மென்மையான நிலையை பார்ப்பது கடினம். எல்லாவகையான தீய பழக்கங்களுக்கும் உட்படுகின்றனர். இவர்களை நாடிவரும் செல்வத்தை நடை முறை பழக்க வழக்கத்தால் இழக்கும் நிலை உள்ளவர்கள்.நல்ல அழகான பெண்களை கண்டால் மோகிக்கும் தன்மை கொண்டவர்.பெண்களின் சாபக் கேடுக்கு ஆளாகுபவர்கள். இவர்களுக்கு வரும் உயர்ந்த நிலை கெடாமல் இருக்க வேண்டுமேயானால் தனது பழக்க வழக்கங்களை மாற்றியே தீர வேண்டும்.
இப்பரிவர்த்தனையில் ராகு , செவ்வாய் தொடர்பு பெற்றால் இவர்களை கீழ்த்தரமான செயல்களுக்கு ஈடுபடுத்தாமல் இருப்பதில்லை. இவர்களின் வழியில் வரும் பெண்களின் வாழ்வு சிறப்பிப்பது இல்லை. வியாபார தொடர்புகள், நூல் நூற்பு இயந்திர தொழிற்சாலைகள், ஆடை ஆபரணங்கள், பொருள்களுக்கு மெருகூட்டி கவர்ச்சியை தரும். தொழில் தொடர்புகள் விவசாயம் கால்நடை தொடர்புகள் மது , நீர் , பானங்கள் , சைவ அசைவ உணவகங்கள், தங்கும் விடுதிகள் இவ்வகை தொழில் தொடர்புகள் ,விவசாயம் கால்நடை தொடர்புகள் மூலம் பொருள் ஈட்டுகின்றனர்.
வாதம் , வாயு , மார்பு , வயிற்று மர்ம உறுப்புகளில் நோய் தொல்லைகள் ஏற்படுகிறது.
ரிஷப லக்னம் 1,10 மிதுனம் 5, 9 கன்னிக்கு 9,5 துலாம் 1,5,1,4 மகரம் 1 , 5 , 1,10 போன்ற லக்கினத்தில் பிறந்தவர்களுக்கு சிறப்பான பலனை தருகிறது.பிற லக்னங்களுக்கு சிறப்பான பலன்களை தருவதில்லை.
