லக்னாதிபதி 12பாவங்களில் நின்ற பலன்கள்-தொடர்ச்சி

•  லக்னாதிபதி 7-ல் நிற்க ஜாதகரால் வாழ்க்கை துணைக்கு அதிர்ஷ்டம், ஆதாயம் உண்டு
• நண்பர்கள் புடைசூழ வாழக் கூடியவர்
•  சொந்தங்களை விட நண்பர்கள், துணைவரால் நன்மை அடைவார்
• திடீர் புகழ் ,பணம் பெறுவார்
• மக்களால் விரும்பப்படும் தலைவராவார் ,கலாரசிகர்
• செய்ய நினைப்பதை சரியாக செய்யக்கூடியவர்
• தன் சந்தோஷத்தை மட்டுமே பூர்த்தி செய்ய விரும்பும் சுயநலவாதி
•  யாரைப்பற்றியும் கவலைப்படாமல் நினைத்ததை முடிப்பார்
• தன் மனதிற்கு சரியான பட்டதை துணிந்து செய்வார்
• யாரை எப்படி எந்த நேரத்தில் வேலை வாங்க வேண்டும் என அறிந்து தேவைக்குப் பயன்படுத்திக் கொள்ளும் திறன் மிக்கவர்
• இவர் உதவி கேட்டால் பிறர் தட்டாமல் செய்து கொடுப்பர் ,முகராசிகாரர்
•  துணைவர் அமைவதை பொறுத்து வாழ்க்கை மாறும், காரியவாதி
• பாவ கிரக பார்வை சேர்க்கை பார்வை இருந்தால் சுயநலத்தை காட்டிக்கொடுத்துவிடும்
• நெருங்கியவர் விலகி விடுவார், தானே தன் வாழ்க்கையை கெடுத்துக் கொள்வார்
•  துரோகம் செய்யும் எண்ணத்தால் நல்லவர்களைப் பகைத்துக் விலக்கி வைக்கப்படுவார்
• மனம் நொந்து வாழ நேரும்
• சுயநலத்தால் வாழ்க்கையை இழப்பார் 6 ,8, 12ஆம் அதிபதிகள் தசையில் நோயால் கடனால், எதிரிகளால் விரையம் ஏற்படும்
• ஆயுள் பங்கம் உண்டு ,சனி பார்வை பக்கவாத நோய் தரும்

• லக்கினாதிபதி அஷ்டம ஸ்தானத்தில் இருந்தால் உடல் ரீதியான பாதிப்பு, உடல் பலவீனம் கொண்டவர்
• ஆயுள் பலம் இருந்தாலும், நல்ல எண்ணம், நல்ல புத்தி இல்லாதவர்
•  இல்லாத ஒன்றை இருப்பதாக தேட கூடியவர்
• ஏமாந்தவர் கிடைத்தால் அவரை வைத்து காலம் தள்ளுவார்
• அவமானம் அடிக்கடி நிகழும்
• பணக்கார குடும்பத்தில் பிறந்தாலும் அனைத்தையும் தன் தவறான நடவடிக்கையால் இழந்துவிடுவார்
• பலம் பெற்ற சுபகிரக பார்வை சேர்க்கை இருந்தால் ஓரளவு நேர்மையும் நன்மையும் பெறுவார்
• பூர்வ புண்ணியம் 5ஆம் இடம் சிறப்பாக அமைந்தால் சொற்ப லாபம்பெறுவார்
• யாரும் கனிகாதவற்றை கணிக்கும் ஆற்றல் வித்தியாசமான- நுணுக்கமான கலை ஆய்வு கொண்டவர்
• விபரீத ராஜ யோகம் இருந்தால் அமானுஷ்ய சக்தி பெற்றவராக இருப்பார்
•  பாவ கிரக பலம் பெற்று சம்பந்தம் பெற்றால் குறைந்த ஆயுள் காலம் வாழ்ந்து, கொலை, கொள்ளைகளில் துணிந்து இறங்க கூடிய கொடூரமான வராக இருப்பார்
• புத்திர தோஷத்தால் மனம் வெறுப்பார், நினைத்த வாழ்க்கை வாழாமல் போவார் ,அரசாங்க தண்டனை கிட்டும் ,குடும்பம் நடத்த சிரமப்படுபவராக வாழ நேரிடும்.

• ஒன்பதாம் வீட்டில் லக்கினாதிபதி நின்றால்  தந்தைக்கு பிடித்தவர் ஆகவும் தந்தையால் யோகம் பெற கூடியவராகவும் இருப்பார்
• பெரியவர்களிடத்தில் மதிப்பும் மரியாதையும் கொண்டவர்
• நேர்மை நியாயத்தில் நம்பிக்கை கொண்டு அதன்படி நடக்கக் கூடியவர் பாராட்டுப் பெற கூடியவர்
• தர்மம் செய்வதில் கூட பாதிக்கப்பட்டவர்களுக்கும் ,இல்லாத ,இயலாதவர்களுக்கும் தரவே எண்ணுவார்
• தெய்வ நம்பிக்கை  கொண்டவர்
• லக்னாதிபதி சுப பலம் பெற்றால் வள்ளலாக இருப்பார்
• சகல ஞானமும் கிடைக்கும்
• லக்னாதிபதியை பாவ கிரக பார்வை சேர்க்கை பெற்றால் கஞ்சன், எதற்கெடுத்தாலும் குறை கூறுவார்
• பிறரை குழப்பி விட்டு தன் வாழ்க்கையை கவனமாக வைத்துக் கொள்வார்
•  கெடுக்கும் எண்ணத்தை வெளிக்காட்டாமல் கெடுப்பார்
• நம்பியவரை நட்டாற்றில் விடுவார்
• தன்னைச் சூழ்ந்தவர்கள் மகிழ்ச்சியாக இருப்பதை விரும்ப மாட்டார்
•  முதுகில் குத்துபவர்கள்
• இவருடன் நெருங்கிப் பழகியவர்களும் விலகுவார்கள்
•  குடும்பத்துக்குள்ளேயே தானே முதன்மையாய் வாழ வேண்டுமென நினைப்பவர்

• லக்னாதிபதி பத்தில் நிற்க தன்னுடைய உழைப்பால் உயர்ந்த நிலைக்கு வருவார்
• நல்ல தலைவனாக மக்களால் போற்றப் படுவார்
• எந்தத் தொழிலில் ஈடுபட்டாலும் தன்னுடைய தனித்திறமையை வெளிப்படுத்தி சிறப்பாக செய்யக்கூடியவர்
• குடும்ப பொறுப்பு மிக்கவர் அனைவரையும் அனுசரித்துப் போகக் கூடியவர்
•  தெய்வத்தை முறையாக வழிபடக்கூடியவர்
• யாரையும் நம்பி வாழாத சுயம்புவாக இருப்பார்
• பலருக்கு உதாரணமாக வாழ்ந்து காட்டுவார்
• அன்பு, கருணை, இரக்கத்தால் புண்ணிய காரியங்கள் செய்வார்
• கல்வி ,ஆன்மீக காரியங்களுக்கு உதவக்கூடியவர்
• இடைவிடாமல் உழைத்து நினைத்ததை முடிப்பவர்
• உழைப்பிற்கேற்ற பலன் கிடைத்து வீடு, வாகனம், நிலபுலன் கிடைத்து நிம்மதியான மனநிறைவான வாழ்க்கையை அடைவார்
• தொழிலில் பக்தி, தொழில் வெற்றி மிக்கவர்
•  பாவ கிரக பார்வை இணைவு பெற்றால்  சோம்பேறியாக மாற்றி  செய்தொழிலில் பாதிப்பைத் தரும்
• நடுத்தரமான வாழ்க்கையும், சுமாரான வருமானமும் கிடைக்கும்
•  மனதிருப்தி கொண்டவர்
• பலம் பெற்ற பாவ கிரக பாதிப்பு இருந்தால் சட்டத்திற்கு புறம்பான தொழில், வெளிநாட்டு மத தொடர்புடைய தொழில் செய்வார்
• எப்படியும் வாழலாம் என்னும் எண்ணம் இருக்கும்
• எதிலும் முழு ஈடுபாடு காட்டுவார்

• லாபஸ்தானத்தில் லக்னாதிபதி இருந்தால் அதிர்ஷ்டம் மிக்கவர்
•  வாழ்க்கையில் நினைத்தது நடக்கும்
• எல்லா விஷயங்களிலும் நன்மை தானாக தேடி வரும்
• கெட்டது தானாக விலகி விடும், நல்ல மதிப்பு மரியாதை கிடைக்கும்
• மக்கள் வசியம்  மிக்கவர் ,நல்ல பழக்க வழக்கத்தால் பெரியவர்களின் அன்புக்குரியவராகவும் ஆசி பெற்றவராகவும் திகழ்வார்
•  தீய பழக்க வழக்கத்தை பற்றி தெரிந்து கொள்வதை விட மூத்தவர் சொன்னாலே புரிந்துகொண்டு தவறு செய்யமாட்டார்
• ஜாதகரின் மூத்த சகோதரருக்கு உதவி கரமாகவும் யோகத்தை தரும் உடன்பிறப்பாகவும் உறுதுணையாகவும் இருப்பார்
• மூத்த சகோதர சகோதரிகளின் அன்பும் ஆதரவும் புகழும் ,லாபமும் கிடைக்கும்
• ஏமாற்றாத எண்ணத்தால் உயர்நிலை பெறுவார்
• பெண்களால் விரும்பப்படுவார் சிலருக்கு இளைய தாரத்தால்  நன்மை கிடைக்கும்
• இளையதாரத்தின்  மீது பற்றும் பாசமும் கொண்டவராக இருப்பார்
• இவரால் இளைய தாரம் பயனடைவர்
• பாவ கிரக பார்வை பெற்றால் பெண்களால் அவமானத்தையும், வீண்  பழியையும் சுமக்க நேரும் ,
•  பிறருக்காக பொறுப்பேற்று நஷ்டம் அடைவார்
•  மூத்த சகோதரர்களால் ஏமாற்றப்படுவார்
• கூட்டுத்தொழில் நஷ்டத்தைத் தரும்
•  கவனமின்றி  இருந்தால் மாரகத்தை  தந்துவிடும்
• அதிர்ஷ்டமே  துருதஷ்டமாக  மாறிவிடும்

• விரய ஸ்தானத்தில் லக்கினாதிபதி  நின்றால் உழைப்பிற்கேற்ற ஊதியமும், தகுதிக்கேற்ற பதவியோ, திறமைக்கேற்ற  முன்னேற்றமோ, ஆசைகேற்ற வளர்ச்சியும் இன்றி அவதிப்படுவார்
• கிடைத்ததை சேமிக்க தெரியாதவர் ஆகவும் பேராசை ஆடம்பர வீண் செலவுகள் செய்யக் கூடியவராகவும் இருப்பார்
• சொந்த ஊரை விட்டு வெளியூர் வாசம் சிறப்பு தரும்
• சொத்துக்கள் வைத்துக்கொண்டால் விரையம் ஏற்படும் என்பதால் வாழ்க்கைத்துணை, பிள்ளைகள் பெயரில் வைக்க வேண்டும்
• பாவ கிரகங்கள் பலமும் தீய தசையும் நடந்தால் தகுதிக்கேற்ற வேலை செய்யமாட்டார்கள்
• கீழான தொழில் ,சட்டத்திற்குப் புறம்பான நடவடிக்கையில் ஈடுபடுவார்
• முயற்சி  என்ற பெயரில் காலவிரயம் செய்வார்
• அவசர புத்தி என்பதால் எடுத்தோம் கவிழ்த்தோம் என சிந்திப்பார்
• எடுத்த வேலையை முடிக்காமல் திணறுவார்
• விலக முடியாத விஷயங்களில் மாட்டிக்கொண்டு தடுமாறுவார்
•  சொத்துக்களை வீண் விவகாரங்களில் முடங்கி அவதிப்படுவார்
•  லக்னாதிபதி விரயத்தில் இருந்தால் வாழ்நாளில் அடிக்கடி அதிக விரயத்தை சந்திக்க நேரும்

லக்னாதிபதி பலம் 

லக்னாதிபதி ஆட்சி, உச்சம், கேந்திரம், திரிகோணம், வர்க்கோத்தமம், லக்னாதிபதி தன் வீட்டைப் பார்த்தல் ,நட்பு கிரக சாரம் பெறுதல், கேந்திர திரிகோணாதிபதி சாரம் பெறுதல் , லக்னாதிபதி நின்ற அதிபதியின் பலம் என பல்வேறு நிலைகளை கணக்கிட வேண்டும். மேலும் லக்னம் நின்ற நட்சத்திர அதிபதி நல்ல நிலையில் பலம் பெற்றால் ஜாதகர் சிறப்பான வாழ்க்கையை பெற முடியும்.