சூரியன் குரு பரிவர்த்தனை பலன்கள்
சூரியன் இல்லதில் குருவும் குருவின் இல்லத்தில் சூரியன் அமர்ந்து ஏற்படும் பரிவர்த்தனை நிலையானது நீதித்துறை , நிதித்துறை , ஆன்மிகத்துறை , அரசு வகையில் நுட்பமான ஆய்வுத்துறை , மதம் கலாச்சாரம் , மத போதகர்கள் மத வியாக்கியான கர்த்தாக்கள் மதத்தில் ஆசான் , குரு என்ற நிலை மக்களின் நன் மதிப்பு அரசு வகை பட்டம் பதவி விருதுகள் உதவி தொகைகள் , தாய் , தந்தை , குழந்தைகள் உறவில் சிறப்பு பெற்ற நிலை , வீரியம் மிக்க உடல் பலம் , அரசு வகை தனங்கள் எதிர்பாராமல் அடைவது போன்ற பலன்கள் இப்பரிவர்த்தனை மூலம் கிடைக்கிறது.
மேஷம் , ரிஷபம் , கடகம் , சிம்மம் , விருச்சிகம் , தனுசு , கும்பம் போன்ற லக்கினத்தார்க்கு சிறப்பு மிகுந்ததாக இருக்கும்.
5 , 9 , 4 , 11 , 2 , 9 , 2 , 10 , 5 , 10 , 11 , 7 போன்ற நிலைகளில் பரிவர்த்தனம் ஏற்பட்டிருந்தால் அது நல்ல வலுவான ஜாதகமாக திகழ்கிறது.
இந்த லக்னங்கள் சுப அம்சம் பெற்றிருந்தால் உயர்ந்த பலன்களை தவறாமல் தருகிறது.
சூரியன் சுக்கிரன் பரிவர்த்தனை பலன்கள்
சூரியன் துலாத்திலும் சுக்கிரன் சிம்மத்திலும் இருந்து பரிவர்த்தனை ஏற்பட்டால் இது சிறப்பு மிகுந்ததாக ஏற்றுக் கொள்ள வழிஇல்லை.
பெண்கள் வகையில் , அரசு வகை குற்றங்கள் , தகாத வழியில் செல்வதால் ஏற்படும் அவமானங்கள் , ஆபத்துக்கள் இல்லற சிறப்பின்மை தவறுகளை பெண்களின் , ஆண்களின் தொடர்பு காம நிலை தலைக் கேறுவதால் ஏற்படும் எசகு பிசகான நிலைகள் , கண் கோளாறு எதிர்பாராத வகையில் உயர்வு பின் தாழ்வு தந்தை வர்க்கத்தில் ஏற்பட்ட பெண்களின் சாபத்தினால் வந்த தோஷங்கள் அவ்வகை வம்சா வழியில் 2 , 3 , 4 தாரங்கள் என்ற நிலை தந்தை வழி சொத்துக்கு அழிவு போன்ற நிலை ஏற்படும்.
இந்த பரிவர்த்தனமானது மேஷம் , ரிஷபம் , மிதுனம் சிம்மம் , விருச்சிகம் , தனுசு , மகரம் , கும்பம் , போன்ற லக்னங்களுக்கு மிகவும் பாதிப்பை தருவதை அனுபவத்தில் காணலாம்.
சூரியன் சனி பரிவர்த்தனை பலன்கள்
சூரியன் இல்லத்தில் சனியும் சனியின் இல்லத்தில் சூரியனும் அமர்ந்து இருக்கும் இப்பரிவர்த்தனை நிலையானது கலை கூத்தாடிகளை உருவாக்குகிறது . மேடை , பேச்சு , பல வேடங்கள் போட்டு அதற்கு தகுந்தாற்போல் செயல்படும் திறன் அரசு வகை குற்றங்களால் ஏற்படும் பாதிப்புகள் தந்தைக்கு ஏற்படும்.
அகால மரணங்கள் விஷ சூன்யாதி குற்றங்கள் தகுதிக்கு மீறின செயல்கள் , வாழ்க்கையில் ஏற்படும் விபரீத விளையாட்டுகள் , தான் செய்ய வேண்டிய கடமைகளை காரியங்களை விட்டு பேராசை மூலம் பொருள் தேடும் நோக்கத்துடன் தீய வழிகளில் செல்லுதல் , மற்றவர்களின் உடமைகளுக்கு தீங்கிழைத்தல் நுட்பமான தொழில் திறன் மிக்க இவர்கள் தான் செய்வதை நியாயம் என்றெண்ணி செயல்பட்டு விபரீதங்களை தேடிக் கொள்வர்.
இந்த பரிவர்த்தனமானது ரிஷபம் , மிதுனம் , விருச்சிகம் தனுசு , கும்பம் போன்றவைகளுக்கு நல்ல பலன்கள் தருகிறது ஆனால் அவர்களுடைய செயல் திறன் , தொழில் திறன் நடை முறை பழக்க வழக்கங் களுக்கு ஒப்ப செயல்படுகிறது.
