சனி பெயர்ச்சி பலன்கள் -பரிகாரங்கள் -கும்பம்
இயல்பை எப்போதும் மாற்றிக் கொள்ளாத கும்பராசி அன்பர்களே!!!
சனிபகவான் இப்போது 27. 12. 2020 முதல் 9. 12 .2023 வரை விரயச் சனியாக அதாவது ஏழரைச் சனியின் தொடக்கமாக வருகிறார். இருந்தாலும் நல்ல பலன்களையே தருவார்.
- உங்கள் ராசிநாதன் சனி பகவான் ஆட்சி பெற்று அமர்வதால் தடைபட்டுக் கொண்டிருந்த பல காரியங்களை இனி விரைந்து முடிப்பீர்கள்
- இதுவரை உங்கள் ராசி மீது வீழ்ந்த சனியின் பார்வை இனி விலகுவதால் கம்பீரமாகப் பேசி மாறுபட்ட அணுகுமுறையால் தீர்க்கமுடியாத பிரச்சனைகளுக்கும் தீர்வு காண்பீர்கள்
- சுபச்செலவுகள் அதிகரிக்கும்
- மகான்கள் ,சித்தர்களின் ஆசி கிட்டும்
- கடனில் ஒரு பகுதியை பைசல் செய்வீர்கள்
- மூத்த சகோதர வகையில் உதவிகள் கிடைக்கும்
- விலை உயர்ந்த பொருட்களை இரவல் வாங்குவதோ கொடுப்பதோ வேண்டாம்
- மற்றவர்களை நம்பி பெரிய முடிவுகளை எடுக்க வேண்டாம்
- முக்கிய ஆவணங்களில் கையொப்பம் இட முன் வழக்கறிஞரை ஆலோசித்து நல்லது
சனி பகவானின் பார்வை
சனி பகவான் உங்கள் இரண்டாம் வீட்டைப் பார்ப்பதால்
- பணப்புழக்கம் திருப்திகரமாக இருக்கும், செலவுகளும் துரத்தும்
- கொடுத்த வாக்கை காப்பாற்ற போராட வேண்டியது இருக்கும்
சனி பகவான் 6-ஆம் வீட்டைப் பார்ப்பதால்
- வழக்கு சாதகமாகும்
- நோய்கள் விலகும்
- பழைய கடனில் ஒரு பகுதியை பைசல் செய்ய வழி பிறக்கும்
- சகோதரிக்கு திருமணம் முடியும்
சனி பகவான் 9-ஆம் வீட்டைப் பார்ப்பதால்
- தந்தைக்கு நெஞ்சு வலி கை கால் வலி அசதி வந்து நீங்கும்
- அனாவசிய செலவுகளை தவிர்க்கப்பாருங்கள் செல்வாக்கு உயரும்
இல்லத்தரசிகளே!!!
- அடகு வைத்த நகைகளை மீட்பீர்கள்
- குடும்பத்தில் சந்தோஷம் உண்டு
- அலுவலகம் செல்லும் பெண்களுக்கு ஆரோக்கியம் கூடும்
- புதிய பொறுப்புகள் தேடிவரும்
வியாபாரிகளே!!!
- வியாபாரத்தில் சந்தை நிலவரத்தை அறிந்து முதலீடு செய்யுங்கள்
- போட்டிகளையும் மீறி ஓரளவு சம்பாதிப்பீர்கள்
- புதிய சலுகைத் திட்டங்களை அறிவித்து வாடிக்கையாளர்களை கவர்வீர்கள்
- மற்றவர்களை நம்பி பொறுப்புகளை ஒப்படைக்க வேண்டாம்
- பாக்கிகளை கறாராகப் பேசி வசூலிக்கப்பாருங்கள்
- மருந்து, மர வகைகளால் ஆதாயம் உண்டு
- பங்குதாரர்களுடன் அவ்வப்போது மோதல்கள் வரும்
உத்தியோகஸ்தர்களே!!!
- சூழ்ச்சிகளை முறியடித்து வெற்றி பெறுவீர்கள்
- இரண்டாம் கட்ட உயர் அதிகாரிகளால் அவ்வப்போது ஒதுக்கப்பட்டாலும் மூத்த அதிகாரிகளால் முன்னுக்கு வருவீர்கள்
- வேலைச் சுமை அதிகமாக தான் இருக்கும்
- வேறு சில நல்ல வாய்ப்புகளும் உங்கள் இருக்கையை தேடி வரும்
- சக ஊழியர்களுடன் சலசலப்பு உண்டு
- உத்தியோகம் சம்பந்தப்பட்ட வழக்கில் வெற்றி உண்டு
- கணினித் துறையினருக்கு பதவி சம்பள உயர்வுகள் தடைபட்டாலும் அவற்றை போராடி பெறுவீர்கள்
பரிகாரம்
அனுமன் வழிபாடும் ,விநாயகர் வழிபாடும் சிறந்த பலன்களை தரும் ஆதரவற்ற முதியோர்களுக்கு உதவுங்கள் ,தடங்கல்கள் நீங்கும். வீட்டில் மங்கல சூழல் நிறையும் .
