வக்கிரம் பெற்ற கிரகங்களின் பலன்கள்
வக்ர காலம்
குருவின் வக்ர காலம்– 3மாதங்களுக்கு அதிகமாகவும்
சனியின் வக்ர காலம் -4 முதல் 5மாதம் வரையிலும்
செவ்வாயின் வக்ர காலம்-சுமார் 2மாதம் (2ஆண்டுக்கு ஒருமுறை)
சுக்ரனின் வக்ர காலம்-சுமார் 50 நாட்கள் 11/2 வருடத்திற்கு ஒருமுறை
சுக்ரனின் வக்ர நிலை
சுக்கிரன், புதன், சூரியன் ஆகிய மூன்று கிரகங்களுமே மாத கோள்கள் முக்கூட்டு கிரகங்கள் ,வேகமாக நகரக் கூடியவை எனவே சுக்கிரனின் வக்கிரத்தை துல்லியமாகக் கணிப்பது சற்று கடினம். எனவே பஞ்சாங்கம் மூலம் அறிந்து கொள்வது சிறப்பு. சுக்ரனின் வக்ர நிலை களத்திர வழியில் திருப்தியற்ற சூழ்நிலையை ஏற்படுத்தும்.
வக்ர நிலை பற்றி ஜோதிட சாஸ்திரங்கள் கூறும் பலன்கள்
சுப கிரகங்கள் வக்ரம் ஆனால் அதிபலம் ஏற்படும்.அவை ராஜ்யத்தை கொடுக்கும்.
பாவ கிரகங்கள் வக்ரம் ஆனால் மனிதனுக்கு துக்கத்தை தருவதுடன், வீண் அலைச்சலை உண்டாக்கும். (1,2 பிருகத் ஜாதகம், கிரகயோனி அத்தியாயம்-2 )
வக்ரமடைந்த கிரகங்கள் உச்ச பலனை தரும்.(ஜாதக கணிதா மிருக சாகரம்)
வக்ர கிரகம்+ வக்ர கிரகம் சேர்ந்தால் மிக அதிக அளவு பலம் பெறும்
வக்ர கிரகம் உச்ச ராசியில் -மத்திம பலன்
வக்கிர கிரகம் ஆட்சி வீட்டில்-பலம் இல்லை
வக்கிர கிரகம் நீச ராசியில்-அதிக பலம் பெறும்
சனி, செவ்வாய் வக்ரம் பெற்று நீச்ச, பகை வீடு பெற்றால் அதிக பலம் இவர்கள் நல்ல பலன் தருவார்கள்
நடைமுறையில் வக்கிர பலன்
1வக்கிரம் பெற்ற கிரகங்கள்இளமையில் கஷ்டங்களையும் போராட்டத்தையும் கொடுத்து முதுமையில் ஏதோ ஒரு வகையில் புகழை தருகிறது
2.பாவ கிரகங்கள் வக்கிரம் பெற்றால் சுப பலன்கள் அதிகம் தந்து கடைசியில் பயனற்ற நிலையையோ அல்லது புகழோடு மரணத்தையோ தந்துவிடுகிறது
3. சுப கிரகங்கள் வக்ரம் பெற்றால் பல சோதனைகளையும் கஷ்ட நஷ்டங்களையும் தந்து பின் நல்ல வாய்ப்பை தருகிறது
4.ஒரு ஜாதகத்தில் 3 அதற்கு மேலும் கிரகங்கள் வக்கிரம் அடைந்திருந்தால் கடினமான சோதனைகளையும் வேதனைகளையும் தந்து கடைசியில் உயர் நிலைக்கு வந்து புகழையும், எதிர்பாராத திடீர் மரணத்தையும் தருகிறது.
5.சனி வக்கிர நிலை-உலக பற்றுகளில் இருந்து விடுவித்து ஆன்மீகத்தில் உயர்வடைய வழிகாட்டுகிறது.
6.புதன் வக்கிர நிலை-சமயோசிதமான புத்திசாலித்தனத்திற்கும், ஏமாற்றுவதற்கும்,திறமையாக பேசுவதற்கும், கபடநாடகத்திற்கும் துணைபுரிகிறது.
7.குரு,சனி வக்கிர நிலை கௌரவம் புகழை ஏற்படுத்துகிறது.
குரு வக்கிர நிலை பலன்
நாஸ்திக எண்ணங்களுக்கும், தவறான வருமானத்திற்கும், முறைகேடான செயல்களுக்கும், முறையற்ற சந்ததிகளுக்கும் வழிவகுத்து விடுகிறது. குரு துரோகம்,கோயில் சொத்தை அபகரித்தல், பொய்யான ஆன்மீகம் போன்ற செயல்களை செய்யத் தூண்டுகின்றன.
சனி வக்கிர நிலை பலன்
கடின உழைப்பால் உயர வைக்கும், ஆன்மீகத்தில் நாட்டம் ஏற்படும், வாழ்வில் போராட்ட சூழ்நிலையில் இருந்து கொண்டே இருக்கும்
திடீர் அதிர்ஷ்டத்தை தரும், திடீர் நோய்,விபத்து, வழக்கு போன்றவையும் தரும்.
செவ்வாயின் வக்ர நிலை பலன்
இதுவும் வாழ்வில் போராட்டத்தையும் கடின உழைப்பையும் காட்டும். சில சமயம் திடீர் லாபமும் உண்டு, சில சமயம் விபத்தும் உண்டு.
புதனின் வக்கிர நிலை பலன்
இது நன்மையைத் தரும் உயர்ந்த கல்வியையும், நல்ல பேச்சாற்றலையும் திறமையையும் தரும்.
சுக்கிரன் வக்கிர நிலை பலன்
இது பெண்கள் விஷயத்தில் பல முறைகேடான வழிகளை ஏற்படுத்தும். திருமண வாழ்வில் குறைபாடுகள் தோன்றும். எதிலும் ஒரு கட்டுப்பாடான நிலை இருக்காது.
வக்கிரம் முடிவு
ஒரு கிரகம் வக்ரம் பெற்றால் அந்த கிரகத்தின் தன்மையிலும் காரகத்துவத்திலும் குறைபாடுகள் இருக்கவே செய்யும். அதே போல் வக்கிர கிரகம் எந்த வீட்டில் உள்ளதோ அந்த வீட்டின் ஆதிபத்திய பலனையும் குறைபாடுகள் இருக்கவே செய்யும்.
ஆக வக்கிரம் பெற்ற கிரகம் அதன் ஆதிபத்தியம் காரகத்துவத்திலும், இருக்கும் வீட்டிலும் தன் வக்கிர குணத்தை காட்டவே செய்யும். எனவே அதை ஒரு சூத்தகத்தரிக்காய் என்று சொல்லலாம். ஒரு பைத்தியக்காரனைப் போல அதன் செயல்பாடுகள் உறுதி அற்றதாக இருக்கும்…
வக்கிரம் பெற்ற கிரகங்களின் பலன்கள்
பல ஜோதிட நூல்கள் படித்தாலும் வக்கிரமான கிரகங்களின் பலன்களை பற்றி அதிகமாக குறிப்புகள் இல்லை என்றே கூற வேண்டும் .
நான் அறிந்த சில பொதுவான பலன்கள் உங்களுக்குகாக ..
உச்ச வக்கிரம்-நீச பலன்
நீச வக்கிரம் -உச்ச பலன்
பாவ கிரகங்கள் வக்கிரம் பெற்றால் வீண் அலைச்சல் ,துக்கத்தை தரும்
சுப கிரகங்கள் குரு,புதன் ,சுக்கிரன் பாவ கிரகங்கள் சனி,செவ்வாய் ஜனன காலத்தில் வக்கிரம் பெற்றவர்கள் இளமையில் துன்பத்தில் வளர்ந்தாலும் பிற்காலத்தில் எதோ ஒரு வகையில் புகழ் பெறுகின்றனர்.
ஒரு ஜாதகத்தில் 3அல்லது அதற்கும் மேலான கிரகங்கள் வக்கிரமாக இருந்தால் ,கீழ் நிலையில் இருந்தும் உயர்நிலையை அடைந்து நீங்கா புகழும், எதிர்பாராத மறைவும் அடைகின்றனர்.
வக்கிரமான பாவர்கள் சுப பலன் தந்தாலும் கடைசியில் பலனற்ற நிலையை தருகிறது.
வக்கிரமான சுப கிரகங்கள் துவக்கத்தில் சோதனையை தந்தாலும் ,பின் நிலையான உன்னத வாழ்வை தருகிறது.
சனி வக்கிரம் -ஆன்மிகத்திற்கும் ,அரசு செல்வாக்கு
புதன் வக்கிரம் -நுண்ணிய அறிவு ,கபட வேடதாரி
மேஷம் ,கடகம் ,விருச்சிகம் ,சிம்மம் -லக்னங்களுக்கு வக்கிர சனி சுப பலனை தருகிறார்
மிதுனம் ,கன்னி ,ரிஷபம் ,துலாம் ,மகரம் -லக்னங்களுக்கு வக்கிர குரு சுப பலனை தருகிறார்
பொதுவாக மேஷம் ,ரிஷபம் ,கடகம் ,சிம்மம் ,கன்னி ,விருச்சிகம் தனுசு,மகரம் மீனம் ,இராசிகளில் வக்கிரம் பெற்ற கிரகங்கள் இருக்க பெற்றவர்கள் புகழோடு தன கர்மாவை முடித்து கொள்கிறார்கள்.
வக்கிர குரு -கடவுள் நம்பிக்கை இல்லாதவன் ,குரு துரோகி ,மதத்தின் பெயரால் ஏமாற்றுபவன் .
வக்கிர சனி /செவ்வாய் -ஆன்மீகவாதி ,அரசியலில் ஈடுபாடு ,கடின உழைப்பு.
வக்கிர புதன் -நல்ல கல்வி ,புத்திசாலி.
வக்கிர சுக்கிரன் -தவறான வழிகளில் செல்வது ,சுக்கிரனின் காரகத்துவங்களில் ஈடுபாடு இல்லாமல் போவது .
| கிரக ஸ்தான பலம் | அங்கு வக்கிரம் பெற்றால் |
| உச்ச வீடு | நீச பலன் |
| ஆட்சி வீடு | நல்ல பலன் |
| நட்பு வீடு | சம பலன் |
| சம வீடு | ஆட்சி பலன் |
| பகை வீடு | மூல திரிகோண பலன் |
| நீச வீடு | உச்ச பலன் |
| மூல திரிகோண வீடு | மிக குறைவான பலன் |
குரு வக்கிரம் :லக்கினத்தில் இருந்து
வக்ர குரு லக்கினத்தில் இருந்தால் நன்மையை தருவதில்லை.
வக்ர குரு 2-ல் சில சங்கடங்கள் இருந்தாலும் நற்பலனை செய்கிறது.
வக்ர குரு 3-ல் சகோதர உறவு பாதிக்கபடும்/சகோதரமே இருப்பது இல்லை.
வக்ர குரு 4-ல் தாய்க்கு நல்லதல்ல ,உறவினர்களுடன் கருத்து வேறுபாடு.
வக்ர குரு 5-ல் புத்ர பாக்ய தடை ,புத்தி தடுமாற்றம் ஏற்படும்.
வக்ர குரு 6-ல் துன்ப வாழ்க்கை.
வக்ர குரு 7-ல் திருமணத்திற்கு பிறகு நற்பலன் ஏற்படும்.
வக்ர குரு 8-ல் வேற்று மத பெண்ணுடன் திருமணம் ,விதவையின் தொடர்பு ,மறைத்த விஷயங்களை வெளியே கொண்டு வருவார்கள்
வக்ர குரு 9-ல் எல்லாவற்றிலும் தோல்வி
வக்ர குரு 10-ல் தொழிலில் பிரச்னை ஏற்படும் ,ஒரே தொழிலில் இல்லாமல் மாறிக்கொண்டே இருப்பார்கள்
வக்ர குரு 11-ல் லாபம் இல்லை
வக்ர குரு 12-ல் உடல்நல பாதிப்பு ,நன்மையில்லை
புதன் வக்கிரம் :லக்கினத்தில் இருந்து
வக்ர புதன் லக்கினத்தில் இருந்தால் புத்திசாலிகளாக செயல்படுவார்கள்.
வக்ர புதன் 2-ல் கல்வியில் பிரச்னை ஏற்படும்.
வக்ர புதன் 3-ல் இளைய சகோதரர்களுக்கு நனமை கிடைக்கும்.
வக்ர புதன் 4-ல் பரதேசியாக சஞ்சரம் செய்வார்.
வக்ர புதன் 5-ல் பேச்சாற்றல் மிக்கவராக இருப்பர்.
வக்ர புதன் 6-ல் எதிரிகளால் தொல்லை ஏற்படும்
வக்ர புதன் 7-ல் இல்லற வாழ்வில் பிரச்னை.
வக்ர புதன் 8-ல் சிறைவாசம் ,ஆயுளுக்கு பங்கம் ஏற்படும்.
வக்ர புதன் 9-ல் அனைத்து பாக்கியங்களையும் இழப்பார்கள்.
வக்ர புதன் 10-ல் நிரந்தரமான தொழில் /பணி அமையாது.
வக்ர புதன் 11-ல் எந்த தொழில் செய்தாலும் லாபம் கிடைக்கும்.
வக்ர புதன் 12-ல் சிறை தண்டனை கிடைக்கும்.
சனி வக்கிரம் -லக்னத்திலிருந்து
வக்ர சனி லக்கினத்தில் இருந்தால் நன்மையை தருவதில்லை.
வக்ர சனி 2-ல் குடும்பத்தில் பிரச்னை ஏற்படும்.
வக்ர சனி 3-ல் சகோதர தோஷத்தை தரும்.
வக்ர சனி 4-ல் தாயின் உடல் நலம் பாதிக்கும்.
வக்ர சனி 5-ல் புத்ர தோஷத்தை தரும்
வக்ர சனி 6-ல் பலம் குறைந்தால் தீமையை செய்வார்.
வக்ர சனி 7-ல் களத்திர வழியில் பிரச்னை ஏற்படும்.
வக்ர சனி 8-ல் மனைவி அல்லது கணவனுக்கு பிரச்னை ஏற்படும் ,பொதுவாக ஆயுளை பாதிக்கும்.
வக்ர சனி 9-ல் நிம்மதியான வாழ்க்கை இல்லை.
வக்ர சனி 10-ல் தொழிலில் நஷ்டம் ஏற்படும்.
வக்ர சனி 11-ல் நிரந்தரமான பனி அமையாது.
வக்ர சனி 12-ல் நிறைய இழப்புகள் ஏற்படும்.
சுக்கிரன் வக்கிரம் -லக்னத்திலிருந்து
சுக்கிரன் வக்கிரம் பெற்று லக்கினத்தில் இருந்தால் பெண்களால் பாதிப்பு ஏற்படும்.
வக்ர சுக்ரன் 2-ல் கண்களில் பிரச்னை ஏற்படும்
வக்ர சுக்ரன் 3-ல் தவறான வழியில் பணத்தை செலவழிப்பர்.
வக்ர சுக்ரன் 4-ல் தாய் வழியில் பாதிப்பு ,வாகன பாதிப்பு ஏற்படும்.
வக்ர சுக்ரன் 5-ல் திருமணம் ஒன்றிற்கு மேல் நடக்கும்.
வக்ர சுக்ரன் 6-ல் எதிரிகளை வெல்வார்.
வக்ர சுக்ரன் 7-ல் திருமண வாழ்வில் குழப்பம் ஏற்படும்.
வக்ர சுக்ரன் 8-ல் சிறுநீரக பாதிப்பு ஏற்படும்.
வக்ர சுக்ரன் 9-ல் தகாத பெண்களின் தொடர்பும் அதனால் பிரச்சினை ஏற்படும்.
வக்ர சுக்ரன்10-ல் தொழிலில் நஷ்டம் ஏற்படும் .
வக்ர சுக்ரன் 11-ல் எதிர்பார்க்கும் லாபம் கிடைக்கும்.
வக்ர சுக்ரன் 12-ல் விரையம் அதிகமாகும்.
செவ்வாய் வக்கிரம் -லக்னத்திலிருந்து
வக்ர செவ்வாய் லக்கினத்தில் இருந்தால் தைரியசாலியாக இருக்க மாட்டார்கள்.
வக்ர செவ்வாய் 2-ல் பேச்சில் கடுமை குறையும்.
வக்ர செவ்வாய் 3-ல் சகோதர்கள் குறைவு.
வக்ர செவ்வாய் 4-ல் தாயின் சுகம் பாதிப்பு ,வீடு வாங்கியும் பிரச்சினை.
வக்ர செவ்வாய் 5-ல் குழந்தைகளால் தொல்லை அல்லது குழந்தை பாக்கியம் இருக்காது.
வக்ர செவ்வாய் 6-ல் உடல் நலம் பாதிப்பு ஏற்படும்.
வக்ர செவ்வாய் 7-ல் குடும்ப வாழ்வில் நிம்மதி இருக்காது .
வக்ர செவ்வாய் 8-ல் குடும்ப வாழ்வில் /குழந்தைகளால் நிம்மதி இருக்காது.
வக்ர செவ்வாய் 9-ல் பாக்கியங்களை இழப்பார்கள்.
வக்ர செவ்வாய் 10-ல் தொழிலில் நிம்மதி இருக்காது.
வக்ர செவ்வாய் 11-ல் முறையற்ற செயலில் ஈடுபடுவார்கள்.
வக்ர செவ்வாய் 12-ல் சிறை செல்ல நேரிடும் ,இல்லற வாழ்க்கையில் குழப்பம்.
வக்கிர கிரகம் இருக்கும் வீட்டின் பலன்கள் சரியாக நடக்காது.
